Përmes sektorit të Ushqimit dhe Përbërësve Natyralë, PPSE fasiliton zgjerimin e shfrytëzimit të shërbimeve për zhvillim të produkteve me qëllim që të ndikohet mbi inovacionin dhe zhvillimin e produkteve. Fasilitimi i zgjerimit të mëtejshëm të modelit të bujqësisë me bazë në kontrata, si për nënsektorin e bimëve mjekësore aromatike, ashtu edhe atë të fruta-perimeve, ka për qëllim ta shtrijë këtë model më tej dhe ta bëjë të qëndrueshëm. Sa i përket shërbimeve mbështetëse si marketingu, digjitalizimi dhe e-tregtia, PPSE fasiliton modele të shërbimeve me kosto të përballueshme që u janë përshtatur nevojave të NMV-ve të sektorit.

Përmes sektorit të Turizmit, PPSE fasiliton kapitalizimin e ofertës së zhvilluar nëpërmjet partneriteteve privato-publike drejt përmirësimit të menaxhimit të destinacionit, përmirësimit të ofertës me produkte turistike dhe rikthimit të trendeve të zhvillimit sektorial. Kjo gjë arrihet në bashkëpunim të ngushtë me palët e interesit private nëpërmjet sinergjive të bizneseve të turizmit, agrobizneseve, prodhuesve të suvenirëve, fermerëve, pronarëve të produkteve turistike dhe guidave. Qëllimi është që zhvillimi i mëtejshëm të mbështetet tek përshtatjet që kanë ardhur si rezultat i pandemisë, përfshirë rifokusimin e ofertës turistike për të përmbushur kërkesat e turistëve lokalë, rajonalë dhe të diasporës, që do të arrihet në bashkëpunim me komunat.