Njoftimi javor 27. 03. 2020

Të dashur Miq dhe Partnerë,

Ndoshta na ka ikur numërimi i saktë prej sa ditësh praktikojmë distancën sociale. Nuk e dimë sa ditë të tjera të tilla na presin. Ndërkohë, kuptojmë se mjetet që do të na ndihmojnë ta kalojmë këtë periudhë janë empatia dhe solidariteti, sidomos me njerëzit më të cënueshëm dhe që përballen me rreziqe më të larta.

Përmbushja e nevojave të menjëhershme për ushqim për njerëzit është një nga shqetësimet kryesore tani. Kjo nënkupton sigurimin e vazhdimësisë dhe sigurisë së prodhimit të perimeve në Kosovë, si për tregun, ashtu edhe për përpunuesit e ushqimit.

Lajmet këtë javë nga partnerët tanë të sektorit të ushqimit dhe përbërësve natyrorë kanë qenë pozitive dhe inkurajuese.

• Më pak se një vit nga fillimi i operacioneve të veta, prodhuesi i parë i specializuar i farave të perimeve në Kosovë - Agrobora - është gati të shpërndajë 400,000 fidanët e parë tek 25 pronarët e serave më të mëdha që ka kontraktuar në 9 rajone të Kosovës.

Objekti i ri i specializuar për fidanë është bashkëfinancuar nga Agrobora dhe Agjencia Zvicerane për Zhvillim dhe Bashkëpunim (SDC), përmes projektit Promovimi i Punësimit në Sektorin Privat (PPSE).

• Another specialized nursery – Fidanishtja e Godancit – has reached an agreement ëith the collection center Agrocelina and PPSE, based on ëhich PPSE ëill stimulate the farmers contracted through the collection center Agrocelina by covering €0.03 per each of the 200,000 cucumber seedlings. The remaining amount shall be covered by Agrocelina and farmers.  

• Një tjetër fidanishte e specializuar - Fidanishtja e Godancit - ka arritur marrëveshje me qendrën e grumbullimit Agrocelina dhe PPSE, sipas të cilës PPSE do të stimulojë fermerët e kontraktuar përmes qendrës së grumbullimit Agrocelina duke mbuluar €0,03 për secilin prej 200,000 fidanëve të trangullit. Shuma e mbetur do të mbulohet nga Agrocelina dhe fermerët.

Kjo fidanishte ka 400,000 fidanë të gatshëm për tranguj, speca, domate, kunguj dhe qepë janë gati për shpërndarje te 30 pronarë të serave të mëdha dhe 2,000 fermerë individualë më të vegjël.

Me ndërprerjen e lëvizjeve në mbarë globin, industria e turizmit dhe udhëtimit ka pësuar goditje të rëndë.

• Ekipi i PPSE përgatiti këtë javë një material mbi Ndikimin Ekonomik të Pandemisë COVID-19 në Sektorin e Hotelerisë në Kosovë. Ky material i është përcjellë Ministrisë së Financave dhe Transfereve në Kosovë, për të mbështetur planifikimin e tyre për masat zbutëse ekonomike për këtë sektor të rëndësishëm të ekonomisë.

Për ta përfunduar me një ton pozitiv, këtë javë ekipi ynë mori një lajm të shkëlqyeshëm nga Komiteti i Donatorëve për Zhvillimin e Ndërmarrjeve. Pas auditimit të sistemit tonë të matjes së rezultateve në përputhje me standardin DCED, ata na përgëzuan për rezultatin shumë të suksesshëm. Ky është motivimi më i mirë për të vazhduar tutje.

Qëndroni të sigurtë dhe qofshi mirë,

Ekipi i PPSE, Kosovë